General Motors Powertrain Uzbekistan - tabiat muho...
«General Motors Powertrain Uzbekistan» zavodi ishchilari Toshkent viloyati tabiatni muhofaza qilish qo‘mitasi bilan hamkorlikda Zangiota Agrosanoat kasb-hunar kollejida o‘tkazilgan ekologik tadbirda ishtirok etishdi. O‘quvchilar uchun atrof-muhitni muhofaza qilishga yo‘naltirilgan ta'lim dasturi ishtirokchilarda katta taassurot qoldirdi.
Tadbir doirasida 20 dan ortiq manzarali va mevali daraxtlar o‘tqazildi. Shundan so‘ng kollej talabalari kompaniyaning ishlab chiqarish va ekologik faoliyati bilan yaqindan tanishishdi. Tadbir talabalarni atrof muhit muhofaza qilish, kasb-hunar kolleji hududini ko‘kalamzorlashtirishga o‘z hissasini qo‘shishga chorlashi bilan ahamiyatli bo‘ldi.
Bundan tashqari, «General Motors Powertrain Uzbekistan» zavodi biologik xilma-xillik o‘yicha loyihani qo‘llab-quvvatlash doirasida Toshkent xalqaro maktabi o‘quvchilariga ham o‘z eshiklarini ochdi.
Mazkur tadbirning asosiy maqsadi o‘sib kelayotgan yosh avlodni kompaniyaning tabiatni muhofaza qilish bo‘yicha amalga oshirayotgan ishlari, xususan mahalliy daraxtlar landshafti va qushlarni asrash bilan yaqindan tanishtirishdan iborat. Shuningdek, o‘quvchilar zavodning yig‘uv sexi faoliyati bilan ham tanishtirildi, yosh bolalar bilan hamkorlikda mevali daraxtlar o‘tqazildi. Bundan tashqari mehmonlar sport musobaqalarida ham ishtirok etishdi.
