Joriy yilning dekabr oyida “Oʻzavtosanoat” AJ xodimlarining bilim va koʻnikmalarini oshirish maqsadida monopoliyaga qarshi kurashish yoʻnalishi boʻyicha seminar-trening oʻtkazildi.
Treningda jamiyat xodimlariga raqobat toʻgʻrisidagi qonunchilik va unga kiritilgan oʻzgartirishlar, sohadagi yangiliklar, monopoliyaga qarshi komplayens tizimini joriy etish ahamiyati va uning asosiy vazifalari toʻgʻrisida tushuntirishlar berildi.
Shuningdek, xodimlar jamiyat faoliyatida raqobatni cheklovchi va isteʼmolchilar huquqlarini kamsituvchi holatlarni oldini olish, mansab vakolatini suiisteʼmol qilishga yoʻl qoʻymaslik boʻyicha mavjud ichki idoraviy hujjatlar bilan tanishtirildi.
Seminar-trening davomida ishtirokchilar oʻrtasida faol muhokamalar olib borilib, berilgan savollarga tegishli javoblar berildi.
Oʻquv mashgʻulotlari yakuni boʻyicha xodimlarning bilim va koʻnikmalarini mustahkamlash maqsadida test sinovi oʻtkazilib, natijalari boʻyicha ishtirokchilarga maʼlumot taqdim etildi.
- 26/12/2024
- Bo'lim: Yangiliklar