O‘zbekiston Sog‘liqni saqlash vazirligi avtoparki so‘nggi avlod Volkswagen Caddy negizida zamonaviy tez tibbiy yordam mashinalari bilan to‘ldirildi.
“Jizzax Auto” zavodida “Volkswagen” konsernining barcha talab va standartlari asosida zamonaviy texnologiyalar bilan jihozlangan har jihatdan qulay avtomobillar yig‘ildi. Keng salon, zamonaviy jihozlar va avtomobilning yevropacha sifati mavjud eskirgan minivenlar parkini almashtirib, aholiga tibbiy xizmat ko‘rsatish sifatini sezilarli darajada oshiradi.
Bugun Sog‘liqni saqlash vazirligi rahbarlari ishtirokida yangi “Volkswagen Caddy” tez tibbiy yordam avtomashinalarini tantanali ravishda topshirish marosimi bo‘lib o‘tdi. Sog‘liqni saqlash vazirligi vakillari ushbu transport vositalari bemorlarga yordam ko‘rsatishda ishonchli vosita sifatida o‘zini namoyon qilib ulgurganini ta’kidladilar, ularning yuqori manevr qobiliyati va texnik xizmat ko‘rsatish qulayligi ularni shifokorlar uchun og‘ir mehnat sharoitida tengsiz qiladi.
“Biz shifokorlar va bemorlarga imkon qadar qulaylik yaratish uchun qo‘limizdan kelganini qildik. Ishonchimiz komilki, beshinchi avlod Volkswagen Caddy avtomobillari o‘zining sifati va mustahkamligi bilan uzoq yillar O‘zbekiston xalqi manfaati uchun xizmat qiladi, – dedi o‘z navbatida “Jizzax Auto” direktori Oybek Ayubov.
Shahar transportida Volkswagen Caddy tez tibbiy yordam mashinalari yuqori manevr va yaxshi texnik ko‘rsatkichlar bilan ajralib turadi. Agar kerak bo‘lsa, bemorga harakatni to'xtatmasdan, to‘g‘ridan-to‘g‘ri mashinaning ichida tibbiy yordam ko‘rsatilishi mumkin. Shu bois aholiga tibbiy xizmat ko‘rsatish samaradorligi va sifati uchun Volkswagen Caddy rusumli tez tibbiy yordam mashinalari tanlandi.
Bugungi kunga qadar “Jizzax Auto” hududlarni tez tibbiy yordam Volkswagen Caddy avtomashinalari bilan ta’minlashda davom etmoqda, ular tez orada eskirgan modellarni to‘liq almashtiradi.
Beshinchi avlod Volkswagen Caddy mutlaqo yangi MQB platformasida qurilgan bo‘lib, 1,6 MPI atmosfera motori bilan jihozlangan bo‘lib, u 6 pog‘onali mexanik uzatmalar qutisi bilan birgalikda 110 ot kuchiga ega. 100 kilometrga avtomobil aralash siklda 7 litr yoqilg'i sarflaydi.