“O‘zavtosanoat” AJda Komplayens, ishlab chiqarish va moliyaviy xavflarni monitoring qilish departamenti tomonidan jamiyatning tarkibiy bo‘linmalari rahbarlari uchun korrupsiyaga qarshi qonunchilikdagi yangi talablar hamda komplayens sohasidagi shaxsiy mas’uliyatga bag‘ishlangan axborot-tushuntirish tadbiri o‘tkazildi.
Tadbir davomida 2026-yilda korrupsiyaga qarshi qonunchilikka kiritilgan o‘zgarishlar, korrupsiyaviy xavflarni aniqlash va baholash, manfaatlar to‘qnashuvining oldini olish hamda ichki nazorat mexanizmlarini takomillashtirish masalalari ko‘rib chiqildi.
Shuningdek, xaridlar va kontragentlar bilan ishlash jarayonida komplayens talablariga rioya etish, rahbarlarning bu boradagi shaxsiy mas’uliyati hamda tashkilotda halollik muhitini shakllantirishdagi o‘rni haqida batafsil ma’lumot berildi.
Tadbir yakunida ishtirokchilarni qiziqtirgan savollarga javob berilib, amaliy faoliyatda uchraydigan holatlar yuzasidan tegishli tushuntirish va tavsiyalar berildi.
- 21/09/2026
- Bo'lim: Yangiliklar