DUNYO YANGILIKLARI: ROSSIYADA IXCHAM SHAHAR AVTOMO...
Rossiya bozorida joriy yilning oktyabr oyida ixcham shahar avtomobillari savdosi jonlandi. Eslatib o‘tamiz, inqiroz tufayli sotuvning deyarli to‘xtab qolishi natijasida mazkur avtomobillar segmenti yetarlicha zarar ko‘rgan edi.
Biroq rossiyalik tahlilchilar 2015 yilning oktyabr oyi bilan taqqoslaganda joriy yilning o‘tgan oyida sezilarli darajada (62%) o‘sish bo‘lganini ta'kidlashmoqda. Rossiyalik haridorlar o‘tgan oy davomida ushbu sinfga mansub 367 dona avtomobilni xarid qilishgan. Ular orasida Ravon R2 yetakchilikni qo‘ldan bergani yo‘q. Chevrolet Sparkning restayling qilinishi natijasida yangi nom ostida eksportga chiqarilgan turidan 174 donasi o‘z egasini topdi. Buni esa mutaxassislar uning avtomat uzatmalar qutisi bilan jihozlangan holatda xaridorlarga taqdim etilgani bilan izohlashmoqda.
Kamsig‘imli avtomobillar orasida ommabopligi bo‘yicha ikkinchi o‘rinni Koreyaning Ria Picanto avtomobili egalladi. Mazkur rusumdagi avtomobildan 121 tasi aynan o‘tgan oyda sotilgan. Reytingda uchinchi o‘rinni nemislarning Smart ForFouri egalladi. O‘tgan oyda ushbu avtomobildan 24 dona sotilgan. Jami bo‘lib joriy yilning o‘tgan o‘n oyida rossiyaliklar 2.7 ming dona A-sinfiga mansub kam sig‘imli avtomobillarni xarid qilishgan Bu esa o‘tgan yilning aynan shu davriga qaraganda 7.4 % ga ko‘p.
