Toshkent politexnika muzeyida bo‘lib o‘tgan “Nauka 0+” IV Xalqaro ilmiy festivali o‘z yakuniga yetdi. Tadbir haqiqiy ilmiy va tajriba maydoniga aylanib, bilim, texnologiyalar va kashfiyotlarni har bir tashrif buyuruvchi uchun yanada yaqin va tushunarli bo‘lishiga xizmat qildi.
Mehmonlar uchun laboratoriyalar, robototexnika bo‘yicha musobaqalar, interfaol maydonchalar, ilmiy ma’ruzalar, viktorinalar va mahorat darslari tashkil etildi. Ayniqsa, bolalar uchun mo‘ljallangan tajribalar yosh ishtirokchilarga fan olamiga yangi nigoh bilan qarash imkonini berdi.
Ishtirokchilar olimlar va mutaxassislar bilan bevosita suhbatlashish, kvant texnologiyalari hamda innovatsiyalar sohasidagi so‘nggi yutuqlar bilan tanishish imkoniga ega bo‘ldilar.
Festival yana bir bor ko‘rsatdiki, fan — bu ochiq, qiziqarli va ilhom baxsh etuvchi soha, ayniqsa yosh avlod uchun.
