Oila — bu bizning kuchimiz: UzAuto Motors Powertra...
Oila — bu faqatgina uyda bizni qo‘llab-quvvatlaydigan yaqin insonlar emas, balki birgalikda mehnat qiladigan, quvonch va sinovlarni baham ko‘radigan, bir maqsad sari harakat qiladigan jamoa hamdir. UzAuto Motors Powertrain uchun bu g‘oya ayniqsa yaqin: zavod — bu katta oila, unda har bir xodimning hissasi beqiyos va muhimdir. Shu bois bu yerda qalblarni birlashtiruvchi va jamoaviy ruhni mustahkamlovchi an’anaviy “Oila kuni” bayrami keng nishonlandi.
Tadbir avvalida bosh direktor Saidazim G‘ulomovning tabrik so‘zi yangradi. Bayram dasturiga futbol jamoalarini taqdirlash marosimi, ijodiy sahna chiqishlari, qiziqarli tanlovlar, shuningdek, bolalar va kattalar uchun mo‘ljallangan o‘yin-kulgi maydonchalari kiritildi. Tadbir yakunida Konstaning chiqishi ishtirokchilarga unutilmas lahzalar, ko‘tarinki kayfiyat va ijobiy hissiyotlar tuhfa etdi.
“Oila kuni” yana bir bor isbotladi: kompaniya — bu faqat texnologiyalar yoki ishlab chiqarish emas, balki insonlar, ularning fidoyiligi, bir-biriga bo‘lgan e’tibori va qo‘llab-quvvatlovidir. Aynan birlik, birdamlik va hamjihatlik mavjud joyda kuch, barqaror taraqqiyot va yorqin kelajak bo‘ladi.
