2026-yil 6-may kuni “O‘zavtosanoat” AJ Komplayens, ishlab chiqarish va moliyaviy xavflarni monitoring qilish departamenti direktori rahbarligida tizim korxonalarining 2026-yil I chorak yakunlari bo‘yicha komplayens va korrupsiyaga qarshi kurashish faoliyati muhokama qilindi.
Yig‘ilishda 2026-yil 20-aprel kuni O‘zbekiston Respublikasi Prezidenti Administratsiyasi Komplayens xizmati hamda Korrupsiyaga qarshi kurashish agentligi rahbariyati ishtirokida o‘tkazilgan kengaytirilgan yig‘ilishda bildirilgan tanqidiy mulohazalar va berilgan topshiriqlar yuzasidan atroflicha to‘xtalib o‘tildi.
Xususan:
• monitoring va nazorat tadbirlari samaradorligi;
• korrupsiyaviy xavflarni baholash va boshqarish;
• xizmat tekshiruvlari va profilaktik choralar; • xodimlarning amaliy bilim va ko‘nikmalarini oshirish;
• ochiqlik va jamoatchilik oldida hisobdorlikni ta’minlash;
• murojaat va aloqa kanallari samaradorligi masalalari tanqidiy tahlil qilindi.
Korrupsiyaviy xavflarni bartaraf etishda faqat o‘qitish bilan cheklanib qolmasdan, jarayonlarni raqamlashtirish, avtomatlashtirish va ortiqcha byurokratik tartib-taomillarni qisqartirish bo‘yicha ta’sirchan choralarni kuchaytirish yuzasidan takliflar bildirildi.
Yig‘ilish yakunida tizim korxonalariga korrupsiyaviy huquqbuzarliklarning sabab va omillarini tahlil qilish, xavflarni barvaqt aniqlash, ta’sirchan preventiv choralarni kuchaytirish hamda belgilangan topshiriqlarning o‘z muddatida ijrosini ta’minlash bo‘yicha aniq vazifalar belgilab berildi.
- 12/05/2026
- Bo'lim: Yangiliklar