Davlat mustaqilligining 35 yilligi arafasida “O‘zbekgidroenergo” AJ tashabbusi bilan vazirlik va idoralar, aksiyadorlik jamiyatlarining markaziy apparatlari xodimlari o‘rtasida shaxmat bo‘yicha an’anaviy “Chess Board Open Championship of “Uzbekhydroenergo” JSC” (Shaxmat bo‘yicha “O‘zbekgidroenergo” AJ ochiq chempionati) ochiq chempionati o‘tkazildi.
O‘zbekiston Shaxmat federatsiyasining malakali hakamlari ishtirokida FIDE qoidalari asosida tashkil etilgan musobaqada 120 nafardan ortiq ishtirokchi g‘oliblik uchun bahs olib bordi.
11 tur davom etgan murosasiz bahslar yakuniga ko‘ra, “O‘zavtosanoat” AJ vakili Farrux Rajabov barcha raqiblarini ortda qoldirib, faxrli 1-o‘rinni egalladi.
Musobaqa yakunida g‘olib va sovrindorlar tantanali ravishda taqdirlandi.
Hamkasbimiz Farrux Rajabovni ushbu munosib g‘alaba bilan samimiy tabriklaymiz va kelgusi musobaqalarda ham ulkan muvaffaqiyatlar tilaymiz!
- 24/08/2026
- Bo'lim: Yangiliklar