“O‘zavtosanoat” AJ tashabbusi bilan Toshkent shahrida Xalqaro korrupsiyaga qarshi kurash kuniga bag‘ishlangan "Ochiq eshiklar kuni" tadbiri tashkil etildi. Tadbir avtomobilsozlik sohasida ochiqlik va shaffoflik tamoyillarini mustahkamlash hamda jamoatchilik bilan bevosita muloqotni kengaytirishga qaratildi.
Uchrashuv davomida ishtirokchilarga korrupsiyaviy xavf-xatarlarni kamaytirishga xizmat qiluvchi amaliy mexanizmlar taqdim etilib, avtomobillarni xarid qilish, to‘lovlarni amalga oshirish, servis va kafolat xizmatlaridan foydalanish tartiblari batafsil tushuntirildi. Shuningdek, QR-kodli yangilangan shartnomalar va elektron davlat xizmatlarini o‘z ichiga olgan raqamli nazorat vositalari namoyish etildi. Ochiq muloqot formati dolzarb savollar yuzasidan aniq javoblar olish va mas’ul mutaxassislar bilan muloqot qilish imkonini berdi.
