Tarmoqlarda sanitariya me’yorlari go‘yoki buzilgani haqida ma’lumotlarni o‘z ichiga olgan anonim murojaat tarqalishi munosabati bilan, “Auto Fortis” quyidagilarni ma’lum qiladi:
Murojaatda keltirilgan, xodimlardan biriga qo‘yilgan kasallik tashxisi haqidagi ma’lumot haqiqatga mos kelmaydi. Hozirda faqat bitta xodim kasalligi tufayli vaqtincha mehnatga layoqatsiz sifatida qayd etilgan. Biroq na unda, na boshqa xodimlarda chechak (ospa) tashxisi qo‘yilmagan.
Jamoa xavfsizligi va xodimlar salomatligini ta’minlash maqsadida korxona binolarida to‘liq dezinfeksiya ishlari amalga oshirildi, xodimlarga profilaktika choralari bo‘yicha tushuntirishlar berildi, sanitariya me’yorlari to‘liq hajmda bajarilmoqda.
“Auto Fortis” MCHJ rahbariyati xodimlar va hamkorlar orasida asossiz tashvish uyg‘otishi mumkin bo‘lgan ishonchsiz ma’lumotlarni tarqatmaslikni so‘raydi.
Korxona o‘z faoliyatini odatdagi ish tartibida davom ettirmoqda.
- 10/11/2025
- Bo'lim: Yangiliklar