Toshkent traktor zavodida “O‘zavtosanoat” AJ rahbariyatining Chirchiq shahri mahallalari aholisi bilan uchrashuvi bo‘lib o‘tdi. Ochiq muloqot tarzida tashkil etilgan uchrashuv davomida ishtirokchilar o‘zlarini qiziqtirgan masalalar, taklif va tashabbuslar bilan murojaat qilish imkoniyatiga ega bo‘ldilar.
Muloqot davomida ishtirokchilar tomonidan ko‘tarilgan masalalar atroflicha muhokama qilinib, har bir murojaat alohida tartibda ko‘rib chiqildi. Xususan, mehnat muhofazasi, ishlab chiqarish jarayonlarida xavfsizlikni yanada takomillashtirish, xodimlar salomatligini muhofaza qilish, yosh mutaxassislarni qo‘llab-quvvatlash tizimini takomillashtirish bo‘yicha takliflar bildirildi.
Sayyor qabul davomida murojaatlarning bir qismi yuzasidan tegishli huquqiy tushuntirishlar berilib, ayrim masalalar joyida hal etildi. Qo‘shimcha o‘rganish va tegishli choralar ko‘rishni talab etadigan murojaatlar bo‘yicha mas’ullarga aniq vazifalar yuklatilib, ularning ijrosini ta’minlash yuzasidan tegishli topshiriqlar berildi.
Aholi bilan ochiq muloqotni yo‘lga qo‘yish, ularning murojaatlarini o‘rganish hamda takliflarini inobatga olish tarmoq faoliyati samaradorligini oshirishga yordam beradi. Bu kabi uchrashuvlar kelgusida ham muntazam ravishda tashkil etib boriladi.
- 01/07/2026
- Bo'lim: Yangiliklar