TTPUda «UZSUNGWOO» kompaniyasi rahbari bilan uchrashuv!

Bugun, 2026-yil 22-oktabr kuni Toshkent shahridagi Turin politexnika universitetida «UZSUNGWOO» MChJ qo‘shma korxonasi bosh direktori Mo‘minjonov Shohruh Iminovich ishtirokida talabalar bilan uchrashuv bo‘lib o‘tdi.

Uchrashuv davomida talabalar korxona faoliyati, avtomobilsozlik sanoatidagi ishlab chiqarish jarayonlari va zamonaviy texnologiyalar haqida batafsil ma’lumot oldilar. Xususan, avtomobil kuzov qismlarini shtamplash va payvandlash bosqichlari, ishlab chiqarishda qo‘llaniladigan texnologik uskunalar hamda mahsulot sifatini nazorat qilish tizimi haqida so‘z yuritildi.

Shuningdek, talabalar Chevrolet Cobalt, Chevrolet Tracker va Chevrolet Onix avtomobillari uchun ishlab chiqariladigan kuzov qismlari, robotlashtirilgan ishlab chiqarish liniyalari va zamonaviy lazerli kesish uskunalari bilan tanishdilar.

Uchrashuv yakunida talabalar o‘zlarini qiziqtirgan savollarga javob oldilar hamda sanoat korxonasining amaliy tajribasi bilan yaqindan tanishish imkoniga ega bo‘ldilar.

Bunday uchrashuvlar talabalarning nazariy bilimlarini amaliyot bilan bog‘lash, zamonaviy ishlab chiqarish texnologiyalarini o‘rganish va kelajakdagi kasbiy faoliyatiga tayyorgarligini oshirishda muhim ahamiyatga ega.

• event 23/10/2026
• local_offer Bo'lim: “O‘zavtosanoat” AJda yoshlar siyosati
• thumb_up Yoqdi (0)
• thumb_down Yoqmadi (0)