"UzAuto Motors" AJ zavodida har yili 100 nafardan ortiq talaba ishlab chiqarish amaliyotini o'taydi. Mazkur dastur doirasida Andijon qishloq xo'jaligi va agrotexnologiyalar instituti qoshidagi Asaka agrotexnologiya texnikumining 17 nafar talabasi ham "UzAuto Motors" zavodida ishlab chiqarish va diplom oldi amaliyotlarini o'tashdi. Ularning eng faollari korxonaga ishga qabul qilindi.
UzAuto Motors AJ korxonaga malakali kadrlarni yanada jalb qilish maqsadida texnikum va kollejlar bilan yuqori malakali kadrlar tayyorlash borasida hamkorlikni rivojlantirish, nazariya va amaliyot uyg‘unligini ta’minlash, talabalarda amaliy ko‘nikmalarni shakllantirish va ularni avtomobilsozlik sohasiga keng jalb qilish bo’yicha reja-jadval asosida muntazam ishlarni amalga oshirmoqda.
Xususan, Andijon qishloq xo’jaligi va agrotexnologiyalari instituti huzuridagi Asaka agrotexnologiyalar texnikumi bilan ishlab chiqarish va o’quv amaliyotini tashkil etish bo’yicha hamkorlik memorandumini imzolagan.
Unga ko’ra, texnikumning 17 nafar talabalari UzAuto Motors’ning avtozavodi hududida- diplom oldi amaliyotlarini o’tashdi. Amaliyot davrida bitiruvchilar ishlab chiqarish soha mutaxassislaridan malakali ustozlarga biriktirildi. Amaliyotchilarga mutaxassislikni chuqur egallashda nazariy va amaliy bilimlar uyg‘unligi katta ahamiyat kasb etishini inobatga olib, kasbiy ko’nikmalarini takomillashtirish, shuningdek amaliyot muddatida ishlab chiqarish asbob-uskunalaridan foydalanish malakasini oshirish bo’yicha amaliy ko’nikmalar berildi.
Ayni kunlarda Asaka avtozavodi hududida texnikum amaliyotchilarining bitiruv ishi himoyasi bo’lib o’tdi. Talabalar amaliyot davomida o’rgangan ilmiy izlanishlarini korxona va texnikum rahbariyati qarshisida himoya qilishdi.
- 27/06/2023
- Bo'lim: Yangiliklar