UzAuto Motors Powertrain zavodiga Toshkentdagi Tur...
2025-yil 27-mart kuni UzAuto Motors Powertrain zavodiga Toshkentdagi Turin politexnika universiteti talabalari tashrif buyurishdi. Ushbu tashrifning e’tiborli jihati shunda ediki, talabalar orasida shaxmat bo’yicha xalqaro grossmeysterlar, xalqaro olimpiada g’oliblari Javohir Sindarov va Nodirbek Abdusattorovlar bor edi.
Dastlab mehmonlar uchun zavod bo’ylab ekskursiya tashkil etildi va ular korxonamizning zamonaviy va yuqori texnologiyali ishlab chiqarish jarayonlari bilan yaqindan tanishish imkoniyatiga ega bo‘lishdi.
Talabalarga zamonaviy texnologiyalar va raqamli yechimlarning avtomobil sanoatiga qanday tatbiq qilinayotgani haqida ma’lumotlar berildi. Yoshlar ishlab chiqarish sohasida o’zlarini qiziqtirgan barcha savollariga mutaxassislardan javoblar olishdi.
Tashrif yakunida “UzAuto Motors Powertrain” Bosh direktori vazifasini bajaruvchi Saidazim Gulyamov talabalar bilan uchrashib, ularga ta’lim olish va karyera qurish bo’yicha o’z tavsiyalarini berdi. Shuningdek, “O‘zbekiston iftixorlari” bilan yurtimizda shaxmat rivoji va yoshlarimizning xalqaro maydonda ko’rsatayotgan yorqin natijalari qizg’in muhokama qilindi. S. Gulyamov talabalar va shaxmatchilarga kelgusi faoliyatlariga omad va muvaffaqiyatlar tiladi.
