“UzAuto Motors” ta’lim sohasida hamkorlikni kengay...
Mamlakatimizdagi eng yirik ishlab chiqaruvchilardan biri hisoblangan “UzAuto Motors” kompaniyasi O‘zbekistonning yetakchi Oliy o‘quv yurtlari bilan hamkorlik aloqalarini yo‘lga qo‘ygan holda, u yerda tahsil olayotgan talabalarning avtomobilsozlik sohasidagi bilim va ko’nikmalarini oshirish borasida samarali ishlarni olib bormoqda. Ta’kidlash joiz, avtomobilsozlik sanoatida innovatsiyalar va texnologiyalarni qo'llab-quvvatlashdir ayni hamkorlikning asosiy yo'nalishlaridan biridir.
Xususan, 22-noyabr kuni “UzAuto Motors” kompaniyasi va Toshkent shahridagi Amity universiteti oʻrtasida talabalarni avtomobilsozlik sohasini oʻrganishga jalb qilish hamda kelgusida ushbu yo’nalishda amaliy dasturlar yaratish boʻyicha hamkorlikda ishlashni nazarda tutuvchi oʻzaro anglashuv memorandumi imzolandi.
Shuningdek, universitetlar bilan hamkorlikni kengaytirish dasturi doirasida janob Andersson Toshkent davlat texnika universiteti talabalari bilan ham uchrashib, ular bilan kompaniya yutuqlari va bugungi faoliyati bilan o’rtoqlashdi.
Uchrashuvda bitiruvchi bosqich talabalarini ish bilan ta'minlash, o‘quv-amaliyoti va ekskursiyalar tashkil etish bo’yicha kelishib olindi. Muloqot davomida bitiruvchilar o‘zlarini qiziqtirgan savollariga batafsil javob oldilar va tadbir yakunida viktorina o‘tkazilib, 5 nafar g‘olib talabaga korxona nomidan esdalik sovg‘alari topshirildi.
