O'zbekistonlik yosh gimnastikachilar bolalar kuni bayramiga sovg’a qilib, Birlashgan Arab Amirliklaridagi birinchi xalqaro Kubokda to'rtta oltin medalni qo'lga kiritishdi. 
Turli xil dasturlarda oltin mukofotlarni Viktoriya Nikiforova, Shahrizoda Razoqova, Sabrina Zaribboeva, Raniya Nazarova va Baxor Orifovalar qo‘lga kiritishdi.
UzAuto jamoasi barcha sportchilarimizni qo’lga kiritgan yuqori natijalari bilan tabriklaydi. Biz sizlar bilan faxrlanamiz. Kelajakdagi faoliyatlarida yorqin g’alabalar va qo’yilgan maqsadlariga erishishlarini tilab qolamiz.
Musobaqalar bir necha yosh toifasida 21 mamlakat jamoasi ishtirokida BAAning poytaxti Dubay shahrida bo’lib o’tdi. Unda o’zbek gimnastikasi maktabining mahoratini Mariya Mamadjonova, Luiza Ganeyeva, Elvira Raxmatullina, Umida Rashidova va Lyubov Qosimovalar namoyish etishdi.
Eslatib o’tamiz, “O‘zavtosanoat” ko‘p yillardan buyon milliy gimnastikaga katta yordam ko‘rsatib kelmoqda, joriy yilning fevralida “O‘zavtosanoat” AJ boshqaruv raisi Shavkat Umurzoqov O‘zbekiston gimnastika federatsiyasi prezidenti etib saylangandi. Kompaniya rahbariyati bundan keyin ham ushbu xayrli an’anani davom ettirish va sportchilarning yuksak natijalarga erishishi uchun barcha shart-sharoitlarni yaratishni maqsad qilmoqda.
- 24/06/2022
- Bo'lim: Yangiliklar