Ko‘rgazmada O‘zbekiston, Rossiya, Belarus, Tojikiston, Armaniston va Qirg‘izistonning yirik sanoat korxonalari mamlakat vazirlari bilan ishtirok etishdi. Ko‘rgazma davomida mamsus ixtisoslashtirilgan axborot uchrashuvlari va o‘quv sessiyalari o‘tkazildi. Unda xalqaro hamkorlik, tarmoqlararo kooperatsiya, texnologiyalarni rivojlantirish va raqamlashtirish, ekologiya va qulay muhitni rivojlantirish kabi muhim mavzularga to‘xtaldi.
“Buyuk Yevroosiyo hamkorligi” brifingi ishtirokchilari UzAuto kompaniyasining mahsulotlarni mahalliylashtirish, sifatni oshirish va avtomobilsozlik sanoatida xalqaro kooperatsiyani kengaytirishdagi muvaffaqiyatini alohida qayd etdi. Shu o‘rinda “O‘zavtosanoat” AJ boshqaruvi raisi o‘rinbosari Azizbek Shukurov so‘zga chiqib, Yevroosiyo iqtisodiy makonida davlatlararo kooperatsiya va hamkorlik sohasida yangicha yondashuvlarni amalga oshirish zarurligi haqida gapirdi.
Xalqaro hamkorlik pavilyonida joylashgan UzAuto stendi ko‘rgazma mehmonlarida katta qiziqish uyg‘otdi. UzAUTO №2 va №3-pavilonlarda– UzAuto Motors kompaniyasining Chevrolet, Jizzah Auto kompaniyasining Volkswagen va Škoda avtomobillarini, ISUZU avtobus, pikap, maxsus texnikalar va yuk mashinalarini, MAN va KAMAZ yuk mashinalari asosidagi og'ir maxsus texnika va tirkamalarni namoyish etdi.
Fermer va tadbirkorlar turli qishloq xo‘jaligi texnikasi bilan tanishishdi.
- 24/06/2022
- Bo'lim: Yangiliklar