UzAuto Oksana Chusovitinani kutib oldi

Mahalliy muxlislar gismantikachilarimizni gullar, davlat bayroqlari, karnay-surnay va albatta olqishlar bilan kutib olishdi. Jahon chempionatining ikkinchi bosqichida qozonganilgan munosib g'alaba uchun olqishlar va samimiy tabriklarni afsonaviy gimnastikachi, Olimpiya chempioni Oksana Chusovitina oldi.
Sportchi o‘zining yuqori natijalari bilan yana bir bor mamlakatining  bayrog‘ini baland ko‘tarib, O‘zbekistonda gimnastikaning yuksak mavqeini tasdiqladi.
Doha shahrida sport gimnastikasi bo‘yicha Jahon kubogi bosqichida O’zbekiston terma jamoasi tarkibidan g’olib Oksana Chusovitina, musobaqa finalchilari O‘tkirbek Jo‘rayev va Xabibullo Ergashev, shuningdek, jamoaning qolgan a’zolari Gulnaz Jumabekova, Rasuljon Abdurahimov, Abdulla Azimov, hamda murabbiylar va hakamlar hay’ati a’zolari Andrey Nilov, Ravshan Mirzayev va Oksana Kioshi qaytishdi. 
Jamoani kutib olish va Oksana Chusovitinani g‘alaba bilan tabriklash uchun Toshkent xalqaro aeroportiga O‘zbekiston sport vaziri o‘rinbosari Shaxrullo Mahmudov, O‘zbekiston gimnastika federatsiyasi (FIG) prezidenti Shavkat Umurzoqov, FIG vitse-prezidenti Ruslan Mustayev va boshqa sportchilar, shuningdek OAV va blogerlar hamda muxlislar tashrif buyurishdi. 
Eslatib o’tamiz, UzAuto ko'p yillar davomida ijtimoiy loyihalarni qo'llab-quvvatlash bo'yicha faol siyosat olib boradi va FIGning bosh homiysi hisoblanadi. Bundan tashqari, joriy yilning 22-fevral kuni navbatdagi hisobot-saylov konferensiyasida (FIG) “O‘zavtosanoat” AJ boshqaruvi raisi Shavkat Umurzoqov Federatsiya prezidenti etib saylandi.

• event 24/06/2022
• local_offer Bo'lim: Yangiliklar