"Uzavtosanoat" AJ boshqaruv raisi Italiyaning "IVE...
“Oʻzavtosanoat” AJ boshqaruvi raisi Ulug'bek Rozukulov hamda Toshkent shahridagi Turin politexnika universiteti rektori Olimjon Toʻychiyevning Italiyaga xizmat safari doirasida “IVECO” (Industrial Village Complex) korxonasiga tashrif buyurildi.
Tashrifdan koʻzlangan asosiy maqsad, xalqaro standartlarga mos keluvchi, energiya samaradorligi va ekologik tavsiflari yuqori elektromobillarni ishlab chiqarishni tashkil etish boʻyicha dunyoning yetakchi korxonalari tajribalarini oʻrganish sanaladi. Rivojlangan mamlakatlar avtomobil ishlab chiqaruvchilari ichki yonish dvigatellari bilan bir qatorda elektr transport vositalari uchun akkumulyator loyihalarini faol amalga oshirish doirasida barqaror rivojlanish va atrof-muhit qoidalariga rioya qilishga intilmoqda.
Olingan xalqaro tajriba universitet qoshidagi elektromobillar laboratoriyasining samarali faoliyatini tashkil etishda muhim bo'g'in bo'lib xizmat qiladi. Mahalliy sharoitga moslashtirilgan ilg'or texnologiyalarni qo'llash universitetga zamonaviy, ekologik toza avtomobil texnologiyalarini rivojlantirishga qaratilgan dasturlar va tadqiqotlarni muvaffaqiyatli amalga oshirish imkonini beradi. Ushbu tajriba o'zbek avtomobil sanoatida innovatsiyalarni joriy etish, shuningdek mamlakatda elektromobil infratuzilmasini rivojlantirishga o‘z hissasini qo‘shishi shubhasiz.
