“O’zavtosanoat” Aj tarkibiga kiruvchi 30 dan ortiq tizim korxonalarida o’tkazilgan tadbirlarda, 1000 nafarga yaqin ishchi xodimlar, shuningdek Korrupsiyaga qarshi kurashish agentligi, O‘zbekiston Respublikasi Bosh prokuraturasi Akademiyasi, hududiy prokuratura va ichki ishlar idoralari xodimlari shuningdek, o‘zini o‘zi boshqarish organlari vakillari, hamda “O’zavtosanoat” AJ va uning boshqaruv kompaniyalari Komplaens bo’yicha xizmati xodimlari ishtirok etishdi.
Tadbirlar davomida korrupsiya davlat va jamiyat farovonligi uchun eng jiddiy xavf-xatarlardan biri ekanligi qayd etildi. Korrupsiyaga qarshi murosasiz kurashishning ilg’or xalqaro standartlarga asoslangan tizimini joriy etish maqsadida, shu jumladan va rejada respublikada yangi qonunchilik hujjatlarini qabul qilish bo'yicha doimiy ish olib borilmoqda,
Shuningdek, davra suhbatlari ishtirokchilari “O’zavtosanoat” tizim korxonalari faoliyatida ochiqlik, oshkoralik, shaffoflikni ta’minlash orqali korrupsiyaga qarshi kurashishda samarali va ta’sirchan jamoatchilik nazoratini amalga oshirish uchun zarur shart-sharoitlarni yaratishning muhimliligini muhokama qilishdi.
Tizim korxonalaridagi har bir xodim korrupsiyaviy huquqbuzarliklar sodir etilganligi to‘g‘risida ishonchli va asosli ma’lumotlar mavjud bo‘lganda, belgilangan choralarni ko‘rish uchun to‘g‘ridan-to‘g‘ri va to‘sqinliksiz “O‘zavtosanoat” AJning doimiy xizmat ko‘rsatuvchi “call-center”ga murojaat qilishlari mumkinligi alohida qayd etildi.
Eslatib o’tamiz, 2018-yilda UzAuto tizimida komplaens dasturi joriy etilgandi. Ushbu davr mobaynida qator muhim va samarali siyosat amalga oshirildi. Misol tariqasida, kompaniyaning axloqiy me'yorlari buzilganligi to'g'risidagi xabarlarni qabul qilish va qayta ishlash siyosatini keltirish mumkin.
Bunda kompaniya tomonidan xodimlar yoki uchinchi shaxslar axloq Kodeksi, kompaniya siyosati va tartib-qoidalarining ehtimoliy yoki amaldagi buzilishlari to‘g‘risida xabar berishlariga imkon beruvchi ishonch telefoni ishlashi uchun samarali va ishonchli mexanizm yaratilishi haqida so‘z boradi.
Ayni paytda “O‘zavtosanoat”da tarmoqdagi g‘ayriqonuniy holatlar haqida ma’lum qilib, istalgan shaxs yordam so‘rab murojaat qilishi mumkin bo'lgan shuningdek, komplaens sohasidagi huquqbuzarliklar haqida xabarlarni qabul qilish ishonch telefoni: 99871 140-76-70 va compliance@uzavtosanoat.uz elektron pochta manzili ishlamoqda. O‘z navbatida, “O‘zavtosanoat” komplaens xizmati xabarlarning maxfiy qolishini ta’minlaydi.
- 24/06/2022
- Bo'lim: Yangiliklar