Rasmiy munosabat: UzAuto’ning fuqarolar qabulxonas...
So’nggi kunlarda ijtimoiy tarmoqlarda UzAuto’ning fuqarolar qabulxonasidan video keng tarqaldi.
Fuqaro avval avtomobil sotib olish bo‘yicha ixtiyoriy ravishda imzolagan shartnoma shartlaridan norozili ekanligini bildirib qabulga kelgan. Kompaniya vakili tomonidan ikki tomondan imzolangan shartnoma shartlari xaridor va yetkazib beruvchi o'rtasidagi keyingi munosabatlarning asosi ekanligini tushuntirishga qaratilgan barcha urinishlar muvaffaqiyatsiz yakunlandi.
Qabulga kelgan fuqarolar orasida blogger ham bo’lib, uning maqsadi vaziyatni keskinlashtirish va bundan o'z foydasi yo’lida ya’ni blogiga auditoriyani jalb qilish uchun foydalanish bo’lgan. Fuqaro o'z nomiga 10 ta shartnoma tuzishni va avtomobil yetkazib berish muddatlarini qisqartirishni talab qiladi.
Kompaniya shartnomani imzolashdan oldin shartnomaning o'zi, shartnoma shartlari va yetkazib berish muddatini bilan diqqat bilan tanishib chiqib, so’ngra imzolashlarini eslatib o’tadi. Bunday holda, shartnomadagi imzo xaridor shartnomada ko'rsatilgan shartlarga rozi ekanligini anglatadi.
