"O‘zvatosanoat" AJ raisi o‘rinbosari D. Xidoyatov hamda "O‘zavtosanoat" AJ ishonchli boshqaruvidagi "Agrotech Klaster" bosh direktori A. Muhitdinov 2024 yilning iyun oyida Xitoy Xalq Respublikasida bo‘lib, u yerda joylashgan “Weichai Lovol Agricultural Intelligent Technology” kompaniyasi vakillari bilan o‘zaro hamkorlikni yanada rivojlantirish bo‘yicha uchrashuvlar o‘tkazdilar.
Dastlab, hamkor kompaniya vakillari tomonidan "Lovol" brendi ostidagi qishloq xo‘jaligi texnikalarini ishlab chiqarish quvvatlari, yo‘lga qo‘yilgan texnologik xususan, metal quyuv va mexanik ishlov berish jarayonlari bilan yaqindan tanishtirildi.
So‘ng, “Weichai Lovol Agricultural Intelligent Technology” Bosh direktori janob Vang bilan Lovol traktorlarini O‘zbekistonda ishlab chiqarish va servis xizmatini yo‘lga qo‘yish, mahalliylashtirishni chuqurlashtirish va qo‘shma korxona tuzish masalalari yuzasidan ikki tomonlama muzokaralar o‘tkazildi.
Bundan tashqari, “Andijon sanoat xabi”da joylashgan “Avto Spring Komponents” MChJ bilan kooperasiya asosida traktor transmissiya qismlarini mahalliylashtirish masalasini parallel tarzda amalga oshirishga kelishildi.
Ma'lumot uchun: Weichai Lovol Agricultural Intelligent Technology 2004 yilda tashkil etilgan. Kompaniya har xil turdagi traktorlar, gʻalla oʻruvchi kombaynlar, shuningdek osma va tirkamali qishloq xoʻjaligi texnikalarini ishlab chiqaradi.