«ASAKA-CITY» majmuasi birinchi xonadon egalarini q...
2019-yilda Andijon viloyati Asaka tumanida "Asaka-City"zamonaviy turar-joy majmuasi qurilishi boshlandi.
Loyihaning umumiy qiymati $98 million bo'lib, 5000 oila uchun mo’ljallangan. «Asaka city» turar joy majmuasini qurish Andijon viloyati Asaka tumanining arxitektura qiyofasini yanada yaxshilash, shuningdek, O‘zbekiston Respublikasi Prezidentining 2020-yil 28-dekabrdagi PQ–4937-son qarori bilan tasdiqlangan 2021-yilda investitsiya loyihalari doirasida investitsiya va kreditlarni o‘zlashtirish bo‘yicha yig‘ma manzilli dasturga muvofiq tashkil etilmoqda.
Yangi uylar va binolar qurilishikda eng ilg‘or zamonaviy qurilish texnologiyalaridan foydalanilmoqda. Joriy yilda “Asaka-City” turar-joy majmuasi xonadonlarining kalitlari o’z egalariga topshirildi.Yangi xonadon egalari uy-joyning sifati va qulayligini yuqori baholashdi. Ko’p qavatli uy-joylar UzAuto - Avtosanoat-Injiniring MCHJ va UzAuto Motors kompaniyasi tomonidan bunyod etilmoqda.
Umumiy maydoni 53 gektarli hududda 4 600 ta xonadondan iborat 71 ta koʻp qavatli uy quriladi. Qolaversa, “Asaka City” majmuasida ko‘p qavatli turar joylardan tashqari, 320 o‘rinli 2 ta maktabgacha ta'lim muassasasi, 1500 o‘rinli maktab, 250 o‘rinli shifoxona, bog‘, 10 000 kvadrat metr maydonga ega savdo markazi va boshqa obektlar quriladi.
E’tiboringizga “O’zbekiston 24” telekanali jurnalistlari tomonidan tayyorlangan maxsus reportajni havola etamiz.
