BYD dan Mustaqillik bayramiga munosib sovg'a: avtomobillarning multimedia tizimi o'zbek tilida

Dunyoning eng yirik yangi energiya vositalari ishlab chiqaruvchisi hisoblangan BYD kompaniyasi birinchi o‘zbek tilidagi aqlli avtomobil tizimini joriy qilmoqda. Endilikda, O'zbekiston rasmiy dilerlaridan xarid qilgan BYD avtomobillari egalari o'z avtomobillari bilan ona tilida gaplashish imkoniyati paydo bo'ldi. Milliylikni namoyish etuvchi mazkur jihatlar avtomobil ishqibozlari uchun eng ulug’, eng aziz bayramiga munosib tuhfa bo’lmoqda.

"BYD avtomobillarini o’zbek tiliga moshlashtirish jarayonida xitoylik muhandislar bilan birgalikda o’zbek yosh muhandislari ham ishtirok etishdi. Shuningdek, mazkur avtomobillarga yaqin kelajakda mahallaiy sim kartalarning ham joriy qilinishi rejalashtirilgan va bu boradagi barcha muhandislik ishlari yakunlanib ohirgi sinov ishlari amalga oshirilmoqda. Buning natijasida, yaqin kunlarda telefon orqali avtomobilni masofadan turib boshqarish, internet orqali dasturlardan foydalanish imkoniyati yo‘lga qo‘yilishi kutilmoqda," - dedi "BYD Uzbekistan Factory" kompaniyasi direktori Shafkatbek Alimov.

Avval xarid qilingan avtomobillar interfeysiga o'zbek tilini o'rnatish BYD rasmiy dilerlik markazlarida yo'lga qo'yilgan.

Ayni paytda "Jizakh Auto" zavodi negizida Xitoylik hamkorlar bilan birgalikda mazkur avtomobillarni CKD usulda ishlab chiqarishni (payvandlash, bo'yash va yig'ish) yo'lga qo'yish bo'yicha ishlar olib borilmoqda. Bunga parallel ravishda avtomobil butlovchi qismlarini komponentlarni mahalliylashtirish borasida ham keng ko'lamli ishlar olib borilmoqda qolaversa, yuqori texnologiyali akkumulyator batareyalari va avtomobil elektrmotorlarini ishlab chiqarishni tashkil etish ham ko'zda tutilgan.

• event 01/09/2023
• local_offer Bo'lim: Yangiliklar
• thumb_up Yoqdi (0)
• thumb_down Yoqmadi (0)