General Motors International kompaniyasi vitse prezidenti Adalberto Torrealba “UzAuto Motors” AJ Asaka avtozavodi faoliyati bilan yaqindan tanishish maqsadida ilk bor O’zbekistonga tashrif buyurdi. Adalberto Torrealba General Motors International kompaniyasining sifat bo’yicha vitse-prezidenti.
Avtomobillar sifatini yanada oshirishga qaratilgan tashrif doirasida UzAuto Motors faoliyatini yaqindan o’rgandi.
Vitse-prezident tashrifni dvigatellar ishlab chiqarishga ixtisoslashgan UzAuto Motors Powertrain zavodidan boshladi. Ishlab chiqarish jarayonlari bilan tanishar ekan, u zavod GM ishlab chiqarish global standatlari bilan ishlanishini hayratda qolib gapiradi: “Mahsulotlar sifat standartlari bo’yicha jahon va GM - GMS (Global Manufacturing System) ishlab chiqarish tizimi talablariga javob beradi. Ishlab chiqarishda barcha zarur modernizatsiya jarayonlari amalga oshirilganligini alohida e’tirof etadi.
Tashrif dasturiga muvofiq, UzAuto Motors’ning Asakada joylashgan zavodida bo’ldi. Avtozavodda yaratilgan shart-sharoitlar bilan tanishar ekan, yig'ish va payvandlash tsexlarida bo’lib avtomobillarni yig'ishning to’liq jarayonini ko’zdan kechirdi. Ishlab chiqarilayotgan avtomobillar sifatini oshirish borasida amalga oshirilayotgan ishlar bilan birgalikda, uning bugungi holati, ko’rilayotgan chora-tadbirlar hamda GM-GMS tizimi bilan qisqacha tanishtirib o’tildi.
"Ishlab chiqarish korxonalarida mahsulotni sifatini boshqarishda xalqaro standartlar muhim ahamiyat kasb etadi. Chunki bu standart talablari asosida ishlab chiqarilgan mahsulotlar sifati kafolatlanadi." - deydi General Motors International kompaniyasining sifat bo’yicha vitse-prezidenti Adalberto Torrealba.
Tashrif yakunida Tet-A-Tet suhbatlar uyushtirildi. Unda tomonlar istiqbolda o’zaro manfaatli hamkorlikni yanada mustahkamlash yuzasidan bir qator chora-tadbirlar ishlab chiqishga kelishib oldilar.
- 18/08/2023
- Bo'lim: Yangiliklar