"Manfaatlar to‘qnashuvi to‘g‘risida"gi Qonun va odob-axloq qoidalariga bag‘ishlangan seminar-trening

Joriy yilning 27 fevral kuni Komplaens, ishlab chiqarish va moliyaviy xatarlarga monitoring qilish departamenti tomonidan "O‘zavtosanoat" AJ va tizim korxonalari xodimlarining bilim va ko‘nikmalarini oshirish maqsadida O‘zbekiston Respublikasining "Manfaatlar to‘qnashuvi to‘g‘risida"gi 2024 yil 5 iyunda qabul qilingan O‘zbekiston Respublikasi Qonunining mohiyati va bugungi kundagi ahamiyati hamda Jamiyat xodimlarining odob-axloq qoidalari bo‘yicha seminar-trening tashkil etildi.

Ushbu trening "O‘zavtosanoat" AJ va tizim korxonalari xodimlarining yangi qonun normalari bo‘yicha bilimlarini oshirish, ish faoliyatidagi muammolarga huquqiy yechim topish va ularni amalga oshirish samaradorligini kuchaytirishga xizmat qiladi.

Treningda manfaatlar to‘qnashuvini aniqlash, oldini olish va boshqarish yo‘llari, xodimlar majburiyatlari va odob-axloq qoidalari haqida tushuntirishlar berildi.

Shuningdek, "Xodimlarning odob-axloq qoidalari" ish joyida samarali faoliyat yuritish, ishchi muhitini shakllantirish va jamiyatning obro‘sini saqlashda muhim ahamiyat kasb etishi ta’kidlandi.

Trening yakunida "Manfaatlar to‘qnashuvi to‘g‘risida"gi Qonun va "Xodimlarning odob-axloq qoidalari"ga doir masalalar yuzasidan savol-javoblar hamda faol muhokamalar olib borilib, berilgan savollarga tegishli javoblar berildi.

Xodimlarning komplaens talablari hamda korrupsiyaga qarshi kurashish bo‘yicha bilimlarini oshirish borasida seminar-treninglar davom ettiriladi.

• event 28/02/2025
• local_offer Bo'lim: Yangiliklar
• thumb_up Yoqdi (0)
• thumb_down Yoqmadi (0)