GM Uzbekistan gaz ballon uskunasi örnatilgan “Lace...
Mamlakatimizda atrof-muhit ekologiyasini yaxşilaş, xususan transport vositalaridan atmosferaga çiqayotgan is gazlari miqdorini kamaytiriş böyiça keng qamrovli işlar amalga oşirilmoqda. Yurtimiz köçalarida harakatlanayotgan transport vositalarining bosqiçma-bosqiç siqilgan tabiiy gaz yoki suyultirilgan gaz yoqilğisiga moslaştirilayotgani fikrimizning amaliy tasdiğidir. Şuni mamnuniyat bilan ta'kidlaş kerakki, “GM Uzbekistan” avtomobil zavodi ham “Lacetti” rusumining siqilgan gazda işlovçi gaz ballonli qurilmaga ega versiyasini seriyali tarzda işlab çiqarişni boşladi. Dastlab, ikki yoqilğili tizimga moslaştirilgan dvigatelning optimal işlaşi uçun GM Korea bilan birgalikda avtomobilning zaruriy sinovlari ötkazildi.
Avtomobillarga örnatiladigan gaz ballonlari Italiyaning Faber kompaniyasidan keltirilsa, yurtimizdagi "Özavto-Landi Renzo" qöşma korxonasi kapotosti qurilmalarini zavodga yetkazib bermoqda. Avtomobil “GM PowerTrain Uzbekistan” qöşma korxonasi tomonidan gazda işlaşga maxsus moslaştirilgan dvigatel bilan jihozlangan. Dvigatel kuçaytirilgan silindr-porşen guruhi va klapan mexanizmiga ega. Bundan taşqari, avtomobilning yuriş qismi detallari - amortizator tayançlari, prujinalar, köndalang barqarorlik stabilizatorlari va boşqalar kuçaytirildi.
