O‘zavtosanoat Kubogi turniri qizg‘in pallaga kirib, chorak final bosqichi bahslari o‘z nihoyasiga yetdi.
Musobaqalarda "O'zavtosanoat" AJ, “UzAuto Motors” AJ, “UzAuto Motors” AJ Toshkent ofisi, “UzAuto Motors” AJ Xorazm filiali, “UzAuto Motors Powertrain” AJ, “Uz Tong Hong Company” QK AJ, “Uz Dong Yang Company” QK MCHJ hamda “O'zAuto Austem” MCHJ jamoalari ishtirok etdi.
“O‘zavtosanoat” AJ va “Uz Dong Yang Company” QK MCHJ o‘rtasidagi uchrashuvda Uz Dong Yang Company jamoasi 0:2 hisobida g‘alaba qozondi. Turnirning navbatdagi o‘yinida “UzAuto Motors” AJ Toshkent ofisi jamoasi Uz Tong Hong jamoasiga 2:4 hisobida mag'lub bo'ldi .
UzAuto Motors jamoasi UzAuto Motors Powertrain jamoasi ustidan 3:2 hisobida g‘alaba qozondi. Shuningdek, “UzAuto Motors” AJ Xorazm filiali va “O‘zAuto Austem” QK MCHJ o‘rtasidagi uchrashuv O‘zAuto Austem jamoasi foydasiga 2:3 hisobida yakunlandi.
Yarim final bosqichiga “UzAuto Motors” AJ, “O‘zAuto Austem” QK MCHJ, “Uz Dong Yang Company” QK MCHJ va “Uz Tong Hong Company” QK AJ jamoalari yo‘l oldi.
Oldinda jamoalarni yanada shiddatli bahslar, yorqin hissiyotlar va faxrli Kubok uchun hal qiluvchi o‘yinlar kutmoqda.
- 19/11/2025
- Bo'lim: Yangiliklar