Rasmiy ma'lumot

“UzAuto Motors” kompaniyasi avtomobillarni ishlab chiqarish va sotish xarajatlarini belgilashda O‘zbekiston Respublikasi Vazirlar Mahkamasining 1999 yil 5 fevraldagi 54-sonli Qarori bilan tasdiqlangan Nizom hamda amaldagi boshqa normativ-huquqiy hujjatlarga amal qiladi. Narxlar avtomobil ishlab chiqarish va sotish bilan bog‘liq bo‘lgan barcha xarajatlarni hisobga olgan holda belgilanadi.

Bundan tashqari, O‘zbekiston Respublikasi Monopoliyaga qarshi kurashish qo‘mitasi tomonidan «UzAuto Motors» AJda avtomobil narxlarini to‘g‘ri belgilanishi borasida O‘zbekiston Respublikasi qonunlariga amal qilishi ustidan doimiy ravishda davlat nazorati o‘rnatilgan.

UzAuto Motors kompaniyasi O‘zbekiston Respublikasi qonunchilik talablariga muvofiq chet eldan avtomobil olib kelish masalalari bo‘yicha vakolatli davlat organi hisoblanmaydi. Shu bilan birga ta’kidlash joizki, O‘zbekiston Respublikasi Prezidenti Shavkat Mirziyoyev tomonidan 2022 yilning 21 fevral kuni «Avtotransport vositalarining ichki bozorini rivojlantirishni rag‘batlantirishga doir qo‘shimcha chora-tadbirlar to‘g‘risida»gi PQ–137-sonli qarori imzolangan. Xabaringiz bo‘lsa, qayd etilgan qarorga muvofiq kiritilgan o‘zgartirishlarga ko‘ra, avtomobillarni olib kirishdagi bojxona to‘lovlari stavkalari ikki bosqichda pasaytirilishi belgilangan.

Avvalam bor, murojaatingiz uchun minnatdormiz.  Qo‘shimcha savollaringiz va takliflaringiz bo‘lsa kompaniyamiz call-markaziga yoki ijtimoiy tarmoqlardagi rasmiy sahifalarimizga murojaat qilishingiz mumkin.

Kelgusida Kompaniyamiz faoliyatiga oid so‘nggi o‘zgarishlar va avtomobil narxlari haqidagi batafsil ma’lumotlar bilan www.uzautomotors.com saytida tanishishingiz mumkin.

• event 17/02/2023
• local_offer Bo'lim: Yangiliklar