Rasmiy munosabat

Joriy yilning 17 mart kuni ijtimoiy tarmoqlarda Ergashev Baxrom Maxmudjonovich tomondan “O‘zavtosanoat” AJ Boshqaruvchi raisi Shavkat Umurzoqov diqqatiga!!” sarlavhasi ostida "UzAuto Motors" tashkilotga tuhmat ayblov tarqatgan.

Tarqalgan ma'lumotlarni “UzAuto Motors” AJ tomondan o‘rganib shu ma'lum bo'ldiki, Ergashev Baxrom Maxmudjanovich “Sirdaryo Avtotexxizmat” MChJda Marketing va savdo bo‘limi mutaxassisi vazifasida 2013 yilda emas, 2021-2022 yillarda ishlagan.

B.Ergashev 2023 yil mart oyida “UzAuto Motors” AJga yozma ravishda murojaat qilib, “Sirdaryo Avtotexxizmat” AJda ishlagan davrida Angren shahridan bir necha marotaba avtomashinalarni tashib kelganligi, ushbu har bir avtomashina uchun “UzAuto Motors” AJ tomonidan avtomashina narxining 0,5 foizi tashib kelish harajati sifatida jamiyatga qoplanib kelingan bo‘lsada “Sirdaryo Avtotexxizmat” MChJ tomonidan unga ushbu pullar to‘lab berilmaganligi va jamiyat tomonidan mablag‘lar o‘zlashtirib yuborilganligini bayon qilib, unga o‘zi tomonidan tashib kelingan avtomashinalarning har biri uchun narxining 0,5 foizini undirib berilishida amaliy yordam berilishini so‘ragan. 

Mazkur B.Ergashevning murojaatlari “UzAuto Motors” AJ Biznesni rivojlantirish va dilerlik korxonalarini monitoring qilish bo‘limi tomonidan o‘rganib chiqilgan bo‘lib, o‘rganish jarayonida B.Ergashev bilan telefon orqali bir necha marotaba suxbatlashilgan, undan murojaatida keltirilgan holatlarni, ya'ni unga mablag‘lar noqonuniy o‘zlashtirilganligi va unga pul to‘lab berilmayotganligi holatlari bo‘yicha asoslantiruvchi yuridik kuchga ega bo‘lgan hujjatlar taqdim qilinishi so‘ralgan, lekin B.Ergashev shunday hujjatlarni taqdim eta olmagan. 

Unga ko‘ra, B.Ergashevning murojaatda keltirilgan holatlar o‘z tasdig‘ini topmaganligi sababli, “UzAuto Motors” AJ tomonidan unga rasman javob xati yuborilib, “Sirdaryo Avtotexxizmat” MChJdan xizmat haqi undirish masalasidagi vaji yuzasidan Sud organlariga murojaat qilishi mumkinligi tushuntirilgan.

Bundan tashqari, B.Ergashev “Sirdaryo Avtotexxizmat” MChJda Marketing va savdo bo‘limi mutaxassisi vazifasida ishlagan davrida o‘zining xizmat mavqeyidan foydalanib, takroran firibgarlik hamda rasmiy hujjatlarni tayyorlab, qalbakilashtirish jinoyatlarini sodir etib kelganligi, jumladan “Avtosanoatinvest” MChJ tomonidan tashkil etilgan aksiya doirasida bo‘lib to‘lash shartlarida berilgan avtomashinalar mijozlardan pul mablag‘larini olib, “Avtosanoatinvest” MChJning xisob raqamiga kirim qilmasdan o‘z ehtiyojlariga ishlatib yuborib, o‘zining jinoiy xarakatlarini fosh etilishini oldini olish va yashirish maqsadida Majburiy ijro byurosiga ushbu mijozlarning qarzi yo‘qligi haqidagi xatlarni soxtalashtirib tayyorlab, taqdim etib kelganligi aniqlangan. B.Ergashev tergov va sud jarayonida o‘zining ko‘rsatuvlarida haqiqatdan ham ushbu fuqarolardan pullarni olib xisob raqamga kirim qilmaganligini, olgan pullardan bir qismini mijozlarning avtomashinalarini Angren shahridagi “Avtosanoat terminal” MChJdan tashib kelish uchun ishlatganligini bayon qilib kelgan, biroq tergov yoki sud davrida uning ushbu vajlari o‘z tasdig‘ini topmagan. 

Jinoyat ishlari bo‘yicha Sirdaryo viloyati Mirzaobod tumani prokuraturasi tomonidan olib borilgan tergov harakatlari natijasida, ushbu tuman sudi tomonidan O‘zbekiston Respublikasi Jinoyat Kodeksining hukumi bilan aybli jazo mukaramligi ta'minlangan.

 “UzAuto Motors” AJ 

• event 19/03/2023
• local_offer Bo'lim: Yangiliklar