Telegram kanal adminining keltirgan axborotiga ko‘ra, UzAuto Motors rasmiy dileri va mijoz o‘rtasida tuzilgan shartnoma bo‘yicha avtomobil narxi o‘zgarib qo‘yilgan va hech qanday ogohlantirishlar berilmagan deya iddao kelttirilgan.
Siz va siz orqali shaxsi no’malum mijozga bu xabarni mutlaqo yolg‘on ekanligini va haqiqatga mutlaqo to‘g‘ri kelmasligini bildirib o‘tamiz. Avvalambor, “UzAuto Motors” avtomobil narxlari amaldagi qonunchilikka qat’iy muvofiq va vakolatli organlar nazorati ostida tartibga solinadi va tasdiqlanishini ma’lum qilamiz.
Qolaversa, telegram kanal adminlaridan bunday bo‘xton xabarlarni asossiz tarqatmasliklarini so‘raymiz. Mijozlardan esa, har qanday qo‘shimcha savol va takliflar bo‘lsa kompaniya call-markaziga yoki ijtimoiy tarmoqlardagi rasmiy sahifalariga murojaat qilishlarini so‘rab qolamiz. UzAuto Motors uchun har bir mijoz muhim, uning manfaatlari ustuvor!
Shuningdek, avtomobil narxi bilan bog’liq ma’lumotlar va boshqa yangiliklar haqida kompaniya o‘zining rasmiy sayti va ijtimoiy tarmoqdagi sahifalarida rasman ma’lum qilishini eslatib o‘tamiz. Kelgusida kompaniyamiz faoliyatiga oid so‘nggi o‘zgarishlar haqidagi batafsil ma’lumotlar bilan www.uzautomotors.com saytida tanishishingiz mumkin.
