Ijtimoiy tarmoqlarda Tracker avtomobilining tom qismi ichki paneli yuqori qismga to‘liq qotirilmaganligi hamda uning qalinligi yetarli emasligi haqida da’volar bildirilgan video lavha tarqaldi.
Mazkur masala yuzasidan “O‘zavtosanoat” AJ quyidagilarni ma’lum qiladi.
Shu kabi holatlar yuzaga kelganda avtomobil egalari diagnostika o‘tkazish uchun rasmiy dilerga murojaat qilishlari lozim. Ishlab chiqaruvchi kuzovning konstruktiv elementlari belgilangan sifat va xavfsizlik standartlariga muvofiqligini kafolatlaydi. Kafolat muddati davomida ishlab chiqaruvchi aybi bilan nosozlik yuzaga kelgan taqdirda, ekspluatatsiya davrida qo‘llanmaga rioya etilgan bo‘lsa, bepul ta’mirlash yoki almashtirish amalga oshiriladi.
