TTPU YANGI O‘QUV YILIGA TAYYOR

Toshkent shahridagi Turin politexnika universitei talabalarni kutib olishga tayyor. 2023/2024-o‘quv yilini yuqori kayfiyatda, munosib kutib olish maqsadida barcha o‘quv binolari, ma’ruza zallari ixtisoslashtirilgan laboratoriyalar, texnopark, metrologiya markazi, axborot-resurs markazi, sport kompleksi tayyor holatga keltirildi. 

Universitetda “Mashinasozlik texnologiyasi”, “Kompyuter injiniring”, “Sanoatda xo‘jalik qurilishi va arxitektura”, “Aerokosmik muhandisligi”, “Dasturlash muhandisligi”, “Arxitektura va dizayn”, “Biznes boshqaruvi – menejment” yo‘nalishlar bo‘yicha 2000 ga yaqin talaba tahsil olib, 2022/2023-o‘quv yilida universitetni 250 ga yaqin bitiruvchi tamomladi.

Universitetda 100 dan ortiq professor-o‘qituvchilar faoliyat yuritib, ularning 40% xorijiy, 60% mahalliy professor-o'qituvchilar hisoblanadi. O‘quv jarayoni Kredit to‘plash va ko‘chirishning Yevropa tizimi (European Credit Transfer and Accumulation System — ECTS) bo‘yicha to'liq ingliz tilida amalga oshiriladi.

• event 03/09/2023
• local_offer Bo'lim: Yangiliklar