TTPUda ishlab chiqarishni boshqarish bo‘yicha ochiq ma’ruza bo‘lib o‘tdi

2026-yil 24-sentabr kuni Toshkent shahridagi Turin politexnika universitetida “Ishlab chiqarishni boshqarish” mavzusida ochiq ma’ruza tashkil etildi.

Ma’ruzani “Uzavtomotors Powertrain” AJ Bosh direktorining ishlab chiqarishni mahalliylashtirish, sanoatdagi kooperatsiya aloqalarini kengaytirish va axborot texnologiyalari bo‘yicha birinchi o‘rinbosari Shomirzaev Shuxrat Shomaxsutovich olib bordi.

Tadbir davomida ishlab chiqarishdagi yo‘qotishlarning yetti turi, ularni aniqlash va kamaytirish usullari, shuningdek, Lean Production, 5S va Value Stream Mapping (VSM) kabi yondashuvlar haqida ma’lumot berildi.

Ma’ruza talabalarga ishlab chiqarish jarayonlarini samarali tashkil etish va zamonaviy boshqaruv yondashuvlarini amaliy misollar orqali o‘rganish imkonini berdi.