“O‘zavtosanoat” AJ tarkibiga kirgan Toshkent shahar Turin politexnika universiteti "aerokosmik muhandisligi"ga 2023/2024-o‘quv yili uchun hujjatlar qabuli ochdi.
Yangi ta’lim yo‘nalishi bo‘yicha 100 ta o‘rin ochildi, shundan 50 tasi grant asosida.
Uchuvchi boʻlishni orzu qilgan eng yaxshi bitiruvchilar uchun “Uzbekistan Airways” kompaniyasi suhbat o’tkazadi va saralash natijasidan soʻng, uchuvchilar uchun moʻljallangan 18 oylik maktabiga taklif qiladi hamda uchuvchilik kasbini oʻrgatadi. Ta'kidlash joiz, ushbu dastur 15 dan 20 ming dollargacha baholanadi, ammo Toshkentdagi Turin politexnika universiteti bitiruvchilari uchun bu imkoniyat bepul taqdim etiladi!
Aerokosmik muhandisligi xalqaro diplomi sizga dunyoning istalgan universitetida o’qishni davom ettirish yoki 160 dan ortiq mamlakatlarda, shu jumladan butun Evropa va AQShda ishlash imkonini beradi.
Hujjatlar qabuli 1-iyundan 30-iyungacha onlayn shaklda polito.uz/admission-info sayti orqali amalga oshiriladi.
- 08/06/2023
- Bo'lim: Yangiliklar