UZ-SAEMYUNG CO.: yangi ishlab chiqarish loyihalari
1996-yilda tashkil etilgan UZ-SAEMYUNG CO. O‘zbekiston va Janubiy Koreya hamkorligidagi qo‘shma korxona bo‘lib, UzAuto Motors avtomobillari uchun kuzov panellari, yoqilg‘i baklari va boshqa avtomobil komponentlarini ishlab chiqaradi.
Kompaniyaning Yangi loyihalar bo‘limi boshlig‘i Iskandarbek Azimov taqdimot davomida avtomobilsozlik sanoatidagi istiqbolli ishlab chiqarish yo‘nalishlari bilan tanishtirdi.
Taqdimotda xalqaro hamkorlik asosida amalga oshirilishi rejalashtirilgan ikkita loyiha taqdim etildi:
GEM moy karterlarini ishlab chiqarish – ERAE CS Limited bilan hamkorlikda;
Tormoz tizimlarini ishlab chiqarish – APG kompaniyasi bilan hamkorlikda.
Yangi loyihalar kompaniyaning ishlab chiqarish salohiyatini kengaytirish, xalqaro hamkorlikni mustahkamlash va O‘zbekiston avtomobilsozlik sanoatini rivojlantirishga qaratilgan.
