UzAuto Motors may oyini rekord ko’rsatkich bilan yakunladi

May oyi “Uzautosanoat” AJ bosh tuzilmaviy korxonasi uchun rekord darajadagi avtomobillar ishlab chiqarish bilan yakunlandi. Joriy yilning may oyida kompaniya zavodlarida jami 39 mingdan ziyod avtomobil ishlab chiqarilgan. Shu bilan birga, ushbu hajmning 92 %i ichki bozorga yo‘naltirildi.

Ishlab chiqarish hajmini oshirish dasturi doirasida UzAuto Motors ishlab chiqarish jarayonini optimallashtirish va modernizatsiya qilish ishlarini davom ettirmoqda. Ishlab chiqarilgan avtomobillar sonini ko‘paytirish maqsadida zavod 24/7 ish rejimiga o‘tkazildi. Zavodlarning o‘rtacha quvvati odatda oyiga 30 000 dona avtomobil ekanligini hisobga olsak, may oyida 25 foizga ko‘proq avtomobil ishlab chiqarilgan.

Ichki bozor talabini to‘liq ta’minlash maqsadida UzAuto Motors bundan buyon ham ushbu sur’atni saqlab qolishni davom ettirish va maksimal natijalarga erishishga harakat qiladi.

Eslatib o‘tamiz, 2022-yilda UzAuto Motors 327 639 dona avtomobil ishlab chiqarib rekord o’rnatdi va bu kompaniyaga MDHda yetakchi avtomobil ishlab chiqaruvchisiga aylanish imkonini berdi.

• event 01/06/2023
• local_offer Bo'lim: Yangiliklar
• thumb_up Yoqdi (0)
• thumb_down Yoqmadi (0)