"O'zavtosanoat" AJ Toshkent Shahar Yakkasaroy tumanida ko'ngilochar park bunyod etadi

Toshkent Shahar Yakkasaroy tumani Kushbegi dahasida joylashgan "SALAR" kanali atrofini obodonlashtirish va rekonstruksiya qilish maqsadida "O'zavtosanaot" AJ zamonaviy ko'ngilochar park qurishni rejalashtirmoqda.

Parkning umumiy maydoni 1 ga atrofida bo'lib, oilaviy dam oladigan so‘lim hudud barpo etiladi. Bu yerni yashil makonga aylantirish maqsadida 300dan ortiq daraxtlar ekililishi rejalashtirilgan bo'lib, ularni doimiy ravishda sug'orib borish uchun 900 ta suv purkagichlardan iborat maxsus sug'orish tizimi o'rnatiladi.

Yozning issiq kunlarida ko'l atrofida barpo etiladigan uzumso'rilar va soyabonli joylarda maroqli hordiq chiqarishingiz mumkin. Bog'da, shuningdek, bolalar o'yingohi, "Work out" sport maydonchalari, velosiped yo'lagi tashkil etiladi.