Joriy yilning mart oyida taqdim etilgan BYD avtomobillari xalqimiz tomonidan iliq kutib olindi. Ham sifati, zamonaviyliygi va albatta narxi borasida avtomobil ishqibozlari tanloviga sazovor bo’layotganini ko’chalarimizda BYD modellarining tez-tez ko’zga tashlanayotganidan bilish mumkin. Aslida BYD kompaniyasi dunyoda nafaqat avtomobil ishlab chiqarish, balki, akkumulyator batareyasi ishlab chiqarish bo’yicha ham yetakchiga aylanganini bilarmidingiz? Demak, bu galgi mavzu akkumulyator batareyasi va uning afzalliklari haqida.
BYD elektr va gibrid avtomobillariga o’rnatilgan “Blade” akkumulyator batareyasi xalqaro “nail penetration” sinovidan o'tgan yagona akkumulyator batareyasi sanaladi. O’tkazilgan sinov xulosalariga ko’ra, akkumulyator batareyasiga shikast yetkazilgan nuqtasidan tutun va olov yuzaga kelishi kuzatilmaydi. Akkumulyator batareyasining tashqi harorati bor yo’g’i 30 °C dan 60 °C gacha ko’tariladi.
Aynan shunday sinov sharoitda, litiy-ion akkumulyator batareyasi 400 °C dan ortiq haroratga ko’tarilishi qayd qilindi va kuchli yong’inni keltirib chiqarishi kuzatildi. Bu shuni anglatadiki, Blade batareyasi bilan jihozlangan Elektromobillar jiddiy shikastlangan bo'lsa ham, yong'inga kamroq moyil bo'ladi.
“Blade” akkumulyator batareyasi, yagona katakchalarning ketma ket joylashtirilishi orqali yuqori zichlikka erishiladi. Qolaversa, optimallashtirilgan akkumulyator batareyasi to'plami tuzilishi jihatidan, an’anaviy akkumulyator batareyasiga nisbatan 50% dan ortiq joy tejab qolish imkonini yaratadi. Yarim soat ichida batareya 30% dan 80% gacha quvvatlana oladi. “Blade” akkumulyator batareyasi “Pulse” isitish texnologiyasini qo'llagan dunyodagi birinchi quvvat batareyasi hisoblanadi. Ushbu texnologiya yordamida “Blade” akkumulyator batareyasini sovuq kunda isitish samaradorligi 10% oshadi. Issiq kunda “Blade” akkumulyator batareyasini to’g’ridan to’g’ri sovutish orqali issiqlik almashinuvi samaradorligi 20% ga ortadi.
“Blade” akkumulyator batareyasi shikast yetkazish, egish, 300 °C issiqlikdagi o'choqda qizdirish va 260% gacha ortiqcha zaryadlash kabi boshqa keskin vaziyatlarda ham muvaffaqiyatli sinovdan o'tgan. Yuqorida ko’rsatib o’tilgan sinovlarning birortasi ham yong‘in yoki portlashga olib kelmadi. “Blade” akkumulyator batareyasi 450 kN gacha bo'lgan bosim kuchiga bardosh bera oladi.
Ushbu barcha imkoniyatlar, “Blade” akkumulyator batareyalarini xavfsiz va ixcham qila oladi. Ahamiyatlisi, ko’roq qayta quvvatlash sikli sababli avtomobil o’z egasiga uzoq yillar xizmat qiladi.
- 23/03/2023
- Bo'lim: Yangiliklar