John Deere Walldorf International GmbH Vitse-prezidenti Piter Zaks (Peter Sachse) “AgroExpo Uzbekistan - 2023” xalqaro ko’rgazmasida ishtirok etayotgan "Agrotech Klaster" pavilyoniga tashrif buyurdi. Mehmon "AgroTech Klaster" tomonidan ishlab chiqarilgan eng so'nggi hamda zamonaviy ixtisoslashtirilgan qishloq xo‘jaligi texnika va texnologiyalarining eng sara namunalari bilan tanishdi. Janob Piter Zaksining ta’kidlashicha, klasterda ishlab chiqarilayotgan mahsulotlar zamonaviyligi va sifati bilan ajralib turadi. Shu bois, “John Deere” kompaniyasi mazkur klaster bilan hamkorlik aloqalarini mustahkamlashga qiziqish bildirgan.
Ma’lumot o’rnida, joriy yilning 19-oktyabr sanasida "John Deere Financial" moliyaviy instituti hamda “Agrotech Klaster” o’rtasida 2024-2026 yillarda mamlakatimizda "John Deere" texnikalari savdosini moliyalashtirish maqsadida 100 million dollargacha bo'lgan miqdorda imtiyozli resurslar ajratilishi bo'yicha memorandum imzolangan edi.
