O‘zbekiston Respublikasi Vazirlar Mahkamasining topshirig‘i va “O‘zavtosanoat” AJ tomonidan tasdiqlangan iqtisodiy o‘qishlar jadvaliga muvofiq, jamiyatning Ma’muriyat va hujjatlar ijrosi nazorati boshqarmasi tashabbusi bilan “Hujjatlar ijrosi nazorati bo‘yicha 2025-yilning I yarim yilligida amalga oshirilgan ishlar hamda II yarim yillikda rejalashtirilgan vazifalar” mavzusida iqtisodiy o‘qish o‘tkazildi.
Tadbirda “O‘zavtosanoat” AJ rahbariyati, tarkibiy bo‘linmalar rahbarlari, tizim korxonalarining mas’ul xodimlari hamda O‘zbekiston Respublikasi Hisob palatasi vakili ishtirok etdi.
Yig‘ilish davomida Hisob palatasi mas’ul vakili tomonidan O‘zbekiston Respublikasi Prezidentining 2025-yil 25-iyuldagi PF-117-sonli “Davlat organlari va tashkilotlarda ijro intizomini yanada mustahkamlashning qo‘shimcha chora-tadbirlari to‘g‘risida”gi Farmoni mazmun-mohiyati haqida atroflicha ma’lumot berildi.
Shuningdek, “ijro.gov.uz” axborot tizimi orqali kelib tushgan topshiriqlar yuzasidan tahliliy ma’lumotlar taqdim etildi. Ta'kidlanishicha, 2025-yilning birinchi yarim yilligi davomida tizim orqali jami 199 ta topshiriq ijrosi ta’minlangan bo‘lsa, ikkinchi yarim yillik uchun 129 ta topshiriq ijroga yo‘naltirilgan.
Mazkur iqtisodiy o‘qish jamiyatda hujjatlar ijrosi ustidan tizimli nazoratni kuchaytirish, ijro intizomini yanada mustahkamlash, shuningdek, samarali boshqaruv va mas’uliyatli yondashuvni kengaytirish yo‘lida muhim ahamiyat kasb etdi.
- 09/08/2025
- Bo'lim: Hisobot hay'at yigilishlar