Zamonaviy avtomobilsozlik sanoati rivoji nafaqat texnologik jarayonlar, balki inson resurslarini samarali boshqarish bilan ham bevosita bog‘liq. Shuning uchun HR mutaxassislarning kasbiy salohiyatini rivojlantirish va ilg‘or tajribalarni joriy etish ustuvor ahamiyat kasb etadi.
Mazkur maqsadda “BYD Uzbekistan Factory” MChJ QKda O‘zbekiston metallurgiya va mashinasozlik sanoati tarmoqlari xodimlari kasaba uyushmasi Respublika kengashi, “ADM Jizzakh” MChJ hamda “O‘zavtosanoat” AJ tizimidagi korxonalar HR rahbarlari va mutaxassislari ishtirokida navbatdagi konferensiya tashkil etildi.
